Main menu

နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံးနှင့် Konrad-Adenaure-Stiftung Ltd တို့ပူးပေါင်းဆောင်ရွက်နိုင်ရေးကိစ္စရပ်များဆွေးနွေး

နေပြည်တော် မေ ၁၈

              နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အဖွဲ့၀င် ဦးညီညီအား ဂျာမဏီနိုင်ငံ အခြေစိုက်အဖွဲ့အစည်းဖြစ်သော  Konrad- Adenaure- Stiftung မှ စင်္ကာပူအခြေစိုက် Rule of Law Programme ၏ ဒါရိုက်တာ Mrs. Gisela Elsner နှင့် မြန်မာနိုင်ငံအခြေစိုက် Konrad-Adenaure-Stiftung Ltd. ၏အမြဲတမ်းကိုယ်စားလှယ် Dr. Norbert Eschbom တို့သည်  (၁၈.၅.၂၀၁၆)ရက်နေ့ နံနက် ၁၀:၃၀ နာရီတွင် နေပြည်တော်ရှိ နိုင်ငံတော်ဖွဲ့စည်းပုံအခြေခံ ဥပဒေ ဆိုင်ရာခုံရုံး ဧည့်ခန်းမသို့ လာရောက်တွေ့ဆုံသည်။      

     ထိုသို့တွေ့ဆုံရာတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး၏ လုပ်ငန်းတာဝန်များ၊ နှစ်နိုင်ငံကျင့်သုံးသော ဖွဲ့စည်းပုံ အခြေခံဥပဒေဆိုင်ရာတရားစီရင်ရေးစနစ်များ၊ နိုင်ငံတော်ဖွဲ့စည်းပုံအခြေခံဥပဒေ ဆိုင်ရာခုံရုံး၏လုပ်ငန်းဆောင်ရွက်မှုများ အတွက် အထောက်အကူဖြစ်စေမည့် သင်တန်းများနှင့်  အကူအညီပေးရေးကိစ္စများကို ရင်းနှီးပွင့်လင်းစွာဆွေးနွေးခဲ့ကြသည်။

          တွေ့ဆုံဆွေးနွေးပွဲသို့  ခုံရုံးအဖွဲ့ဝင်ဦးခင်မောင်ချိုနှင့် ရုံးအဖွဲ့မှူးတို့ တက်ရောက်ကြသည်။