သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်လှူဒါန်း

Mon, 03/05/2018 - 21:07 -- admin

 

၁ မတ် ၂၀၁၈

နေပြည်တော်

            ၂၀၁၈ခုနှစ်၊ သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်ပူဇော်ပွဲနှင့် ဆွမ်းဆန်စိမ်း လောင်းလှူပွဲ မဟာမင်္ဂလာအခမ်းအနားကို ၁-၃-၂၀၁၈ ရက်နေ့ မွန်းလွဲ ၁:၀၀ နာရီ တွင် နေပြည်တော် ဥပ္ပါတသန္တိစေတီတော် ပရိဝုဏ်ရှိ သာသနာဗိမ္မာန်တော်ကြီး၌ ကျင်းပရာ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌဦးမျိုးညွန့် တက်ရောက်ကြည်ညို၍ သာသနာ တော်ဆိုင်ရာ ဘွဲ့တံဆိပ်တော်များ ဆက်ကပ်လှူဒါန်းပြီး ဆွမ်းဆန်စိမ်းနှင့် လှူဖွယ်ပစ္စည်းများ လောင်းလှူခဲ့ သည်။

            အခမ်းအနားတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌက သုဓမ္မမဏိ ဇောတဓရ ဘွဲ့တံဆိပ်ရ လူပုဂ္ဂိုလ် အမျိုးသားသုံးဦးတို့အားဘွဲ့တံဆိပ်နှင့်အဆောင်အယောင်များကို ပေးအပ်ချီးမြှင့်ခဲ့ပါသည်။ ထို့နောက် နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌ၏ ဇနီး ဒေါ်ဌေးရည်က သုဓမ္မသိင်္ဂီဘွဲ့တံဆိပ်ရရှိသူ လူပုဂ္ဂိုလ် အမျိုးသမီးသုံးဦးတို့အား ဘွဲ့တံဆိပ်နှင့် အဆောင်အယောင်များကို ပေးအပ်ချီးမြှင့်ခဲ့ပါသည်။

            ညနေပိုင်းတွင် ဆွမ်းဆန်စိမ်းလောင်းလှူပွဲကို ဆက်လက်ကျင်းပရာ နိုင်ငံတော်ဖွဲ့စည်းပုံ အခြေခံဥပဒေဆိုင်ရာခုံရုံး ဥက္ကဋ္ဌနှင့်ဇနီး၊ ခုံရုံးအဖွဲ့ဝင်များ၊ ညွှန်ကြားရေးမှူးချုပ်၊ ဒုတိယညွှန်ကြား ရေးမှူးချုပ်တို့က ဘွဲ့တံဆိပ်တော်ရဆရာတော်ကြီး ၂၀၀ ပါးနှင့် သီလရှင်ဆရာကြီး ၉ ပါးတို့အား ဆွမ်းဆန်စိမ်းနှင့် လှူဖွယ်ပစ္စည်းများကို သဒ္ဓါကြည်ဖြူစွာဖြင့် လောင်းလှူပူဇော်ခဲ့ကြပါသည်။