Main menu

သတင်းများ

နေပြည်တော် မတ် ၂၉ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး တည်ထောင်ခြင်း (၈)နှစ်မြောက် နှစ်ပတ်လည်နေ့အခမ်းအနားကို ယနေ့ နံနက် ၁၀:၀၀ နာရီတွင် နေပြည်တော်ရှိ နိုင်ငံတော် ဖွဲ့စည်းပုံအခြေခံဥပဒေဆိုင်ရာခုံရုံး ရုံးခန်းအမှတ်(၂)တွင် ကျင်းပပြုလုပ်ခဲ့သည်။
နေပြည်​တော်၊ မတ်လ ၂၀ ရက် ၂၀၁၉ ခုနှစ်၊ သာသနာတော်ဆိုင်ရာ ဘွဲ့တံဆိပ်တော်များ ဆက်ကပ်ပူဇော်ပွဲနှင့် ဆွမ်းဆန် စိမ်းလောင်းလှူပွဲ မဟာမင်္ဂလာအခမ်းအနားကို ၂၀-၃-၂၀ ၁၉ ရက်နေ့ မွန်းလွဲ ၁:၀၀ နာရီတွင် နေပြည်တော်ဥပ္ပါတသန္တိ စေတီတော်ပရိဝုဏ်ရှိ သာသနာ့ဗိမ္မာန်တော်ကြီး၌ကျင်းပရာနိုင်ငံတော် ဖွဲ့စည်းပုံအခြေခံဥပဒေဆိုင်ရာခုံရုံး ဥက္ကဋ္ဌဦးမျိုးညွန့်တက်ရောက်ကြည်ညို၍ သာသနာတော် ဆိုင်ရာ ဘွဲ့တံဆိပ်တော်များ ဆက်ကပ်လှူဒါန်းပြီး လှူဖွယ်ပစ္စည်းများ လောင်းလှူခဲ့သည်။
နေပြည်တော်၊ မတ် ၂ ရက် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အဖွဲ့ဝင် ဦးကျော်ဆန်း ဦးဆောင်သော ကိုယ်စားလှယ်အဖွဲ့သည် တောင်အာဖရိကနိုင်ငံ၏ အသွင်ကူးပြောင်းရေးလုပ်ငန်းများ၊ ဖွဲ့စည်းပုံအခြေခံဥပဒေ တည်ဆောက်ခြင်းလုပ်ငန်းများနှင့် ဖွဲ့စည်းပုံအခြေခံဥပဒေဆိုင်ရာ တရားရုံးများ၏ အခန်းကဏ္ဍများကို မတ်လ ၂ရက်နေ့ မှ ၁၀ ရက်နေ့ထိ သွားရောက်လေ့လာ ရန်အတွက် တောင်အာဖရိကနိုင်ငံ ဂျိုဟန်နစ္စဘတ်မြို့သို့ ၂-၃-၃၀၁၉ ရက်နေ့ နံနက် ၂နာရီ မိနစ်၃၀ အချိန်တွင် လေကြောင်းခရီးဖြင့် ထွက်ခွာရာတာဝန်ရှိသူများက ရန်ကုန်အပြည်ပြည် ဆိုင်ရာလေဆိပ်သို့ လိုက်ပါပို့ဆောင်ကြသည်။
နေပြည်တော် ဖေဖော်ဝါရီ ၂၂ နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အဖွဲ့ဝင် ဒေါ်လှမျိုးနွယ်သည် ဂျပန်နိုင်ငံ၊ နာဂိုယာ တက္ကသိုလ်၊ The Center for Asian Legal Exchange မှ လက်ထောက်ပါမောက္ခ Prof. Ms. Emi Makino ဦးဆောင်သော ဥပဒေ အထူးပြု ကျောင်းသား ကျောင်းသူ (၁၁)ဦး ပါဝင်သည့် လေ့လာရေးအဖွဲ့ကို ယနေ့ မွန်းလွဲ ၁:၀၀ နာရီတွင် နိုင်ငံတော်ဖွဲ့စည်းပုံအခြေခံဥပဒေဆိုင်ရာခုံရုံး အစည်းအဝေးခန်းမ၌ တွေ့ဆုံသည်။

Pages